黨意與民意

一周記事

我唔係特別叻，只係識咗啲叻嘅朋友。有睇我付費substack嘅朋友都應該知道，我老友曾經同我講，日本自民黨總裁之戰，高市與小泉之爭，最終會贏嘅關鍵，係邊個可以帶來穩定政權，以及贏得大選。咁後來響前幾日的選舉之戰睇到，黨意係基本上支持高市，因為高市有機會會贏得大選。後來，大家都知道結果啦，因為黨內派系麻生太神叫晒派系國會議員投畀高市，就係咁樣就贏咗。

黨內選舉主席呢，好多人會講，總會有出乎意料嘅戰果。大抵響西方式民主政黨，只要有黨員普選主席嘅情況，黨意會唔會同民意相悖呢？黨員選主席，梗係想選個可以贏得大選果個人做主席。但係，國會議員呢？佢地考慮唔單只要贏咁簡單，佢地都仲要考慮，同呢個主席夾唔夾，可唔可以合作等多項因素，所以好多時，黨內派系響選主席之時，唔單只係只聽黨內基層黨員意見，仲要睇埋呢個主席，係一個可唔可以合作嘅人。